ABADÇILAR / Cavid Məmmədov

ABADçı:
Cavid Məmmədov
Kodu:
109
Region:
Bakı

“ABAD”ın dəstəklədiyi sənətkar ailələrindən biri də Bakı şəhəri sakinləri Məmmədovlar ailəsidir. Ailənin 17 ildən çoxdur ki, keramika sənəti ilə məşğul olan nümayəndəsi Cavid Məmmədov uşaqlıqdan rəssamlığa maraq göstərdiyini söyləyir.

Arzusunda olduğu rəssamlıq sahəsi üzrə təhsil alan Cavid bəy əvvəllər əsasən keramika sənəti ilə məşğul olub, lakin daha sonralar dekupaj sənətinə meyl göstərib.

Dekupajın çap növündən istifadə edən sənətkar 2 ildir ki, bu peşə ilə məşğuldur.

Milli üsluba daha çox üstünlük verdiyi əl işlərini əvvəllər yalnız yarmarkarlarda satışa çıxaran Cavid bəy bu gün “ABAD” ailəsinin üzvünə çevrilib.

“ABAD”ın dəstəyi sayəsində Azərbaycanın adət-ənənlərini dünyaya tanımaq istədiyini söyləyən sənətkarın əl işləri turistlər tərəfindən böyük maraqla qarşılanır.

Bu gün dekupaj sənətini yaşadan Cavid Məmmədovun əl işləri “ABAD” sənətkarlıq mərkəzlərində sərgi-satışa çıxarılıb.