ABADÇILAR / Nazim Ustayev

ABADçı:
Nazim Ustayev
Kodu:
39
Region:
Balakən

“ABAD”ın dekorativ-tətbiqi xalq sənətkarlığı istiqamətində dəstək göstərdiyi sahələrdən biri də taxta üzərində oymaçılıq sənətidir. Bu sahədə dəstək göstərilən sənətkar Nazim Ustayev Balakən rayonu Talalar kəndinin sakinidir.

Taxta üzərində oyma işlərinə ilk dəfə təhsil aldığı orta məktəbin emalatxanasında başlayan Nazim Ustayevin ilk əl işi Azərbaycan bayrağı və Qız Qalasının fiqurları olub.

Daim özünü təkmilləşdirməyə çalışan Nazim usta bu gün oymaçılıq sahəsində ad çıxarmış sənətkarlardandır.

O, evində qurduğu kiçik emalatxanasında taxta üzərində müxtəlif suvenir və mebel aksessuarları hazırlayır.

Azərbaycan mədəniyyətinin tanıdılması məqsədi ilə hazırladığı məhsullar üzərində daha çox milli ornamentlərdən istifadə edir.

Eyni zamanda onun əl işləri ölkəmizdə və digər xarici ölkələrdə sərgilənib.

“ABAD” sosial layihəsinə qoşulan Nazim Ustayev bu gün məhsulları üçün dizaynların təqdim olunması və satış bazarının şaxələndirilməsi istiqamətində zəruri dəstək alır.