"ABAD"çı: Anar Əhmədov | Kod: 169 | Region: Bakı

Deyirlər, peşəsini sevən adam bəxtiyar olar. Belə bəxtiyarlardan biri də “ABAD”çımız Anar Əhmədovdur.

O, ali təhsil aldığı peşə ilə - zərgərliklə məşğuldur. Bundan başqa bu sənətə can atanlara da İncəsənət Gimnaziyasında dərs keçir:
“Həyatımın otuz ilini zərgərliyə həsr etmişəm. Bu işin bütün incəliklərini, detallarına bələdəm. Rastlaşdığım bütün çətinliklərə baxmayaraq, peşəmdən üz çevirməmişəm, səbr edib sənətimin yüksək qiymətləndiriləcəyi anı gözləmişəm. Və bunu görmək mənə nəsib olub”.
Anar Əhmədov “ABAD”a milli bəzək əşyalarımızla birgə, modern tipli zərgərlik məmulatları təqdim edir:
“Eşitdiyimə görə, ən böyük rəğbəti Bakının yeni simvollarından olan “Alov qüllələri” təsvir olunan üzüklərim qazanıb. Bu da məni bir sənətkar kimi, sevindirməyə bilməz”.
Qeyd edək ki, Anar Əhmədovun əl işləri “ABAD” sənətkarlıq mərkəzlərində və www.abad.shop.az saytında təqdim olunur.


© 2018 “ABAD” publik hüquqi şəxs