ABADçı: Rövşən Mahmudov | ABADçılar

ABADçı: Rövşən Mahmudov | Region: Bakı | Rəssamlıq

Rəssamlar ailəsində böyüyüb başa çatan Rövşən Mahmudov təhsilini fotoqrafiya üzrə alıb. Lakin onun rəssamlığa olan fitri istedadı məhz bu işə köklənməsinə səbəb oldu.

ABADçımız öz rəsm əsərlərini müxtəlif materiallar üzərində əks edir: ağac, gil, daş və s. “ABAD”a qoşulmamışdan öncə R.Mahmudov öz əl işlərini daha çox onlayn satış vasitəsilə realizə edirdi:
“ABAD” haqqında məlumat əldə etdikdən sonra öz əl işlərimi orada görməyi özümə məqsəd qoydum. Müraciət etdim və məqsədimə çatdım”.
Rövşən Mahmudov gələcəkdə milli atributları əks etdirən suvenirlərinin sayını daha da artırmaq və “ABAD” vasitəsi ilə bu suvenirləri xarici ölkələrə çıxarmağı hədəfləyib.
Qeyd edək ki, R.Mahmudovun əl işlərini “ABAD” etno-butiklərindən əldə edə bilərsiniz.