Xəbərlər

Özbəkistan nümayəndə heyəti "ABAD"da

19 sentyabr 2022-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstərən “ABAD” publik hüquqi şəxsin və ölkəmizdə səfərdə olan Özbəkistan Respublikası İnnovasiyaların İnkişafı Nazirliyinin və tabeliyində fəaliyyət göstərən qurumların rəhbər şəxslərindən ibarət nümayəndə heyəti arasında görüş keçirilib. Görüşün əsas məqsədi Özbəkistan dövlət qurumları ilə effektiv dövlət xidmətlərinin göstərilməsi mövzüsunda təcrübə mübadiləsi və müvafiq istiqamətlər üzrə mümkün əməkdaşlıq perspektivlərinin müzakirəsi olub. Qonaqlara “ABAD” publik hüquqi şəxsin yaradılması məqsədləri və fəaliyyət istiqamətləri barədə ətraflı məlumat verilib. Qeyd olunub ki, mikro, kiçik və orta sahibkarlığın inkişafı baxımından “ABAD” modelinin yaradılması ilə bir çox nailiyyətlər əldə olunub. Qonaqlara “ABAD”ın həyata keçirdiyi fəaliyyət, layihələr, həmçinin məhsullar barədə təqdimat edilib.

20.09.2022

“ABAD” və “PMD Hospitality” ailə təsərrüfatlarının inkişafına birgə dəstək göstərəcək

8 sentyabr 2022-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan “ABAD” publik hüquqi şəxs və Azərbaycanda sağlamlıq və istirahət seqmentlərində hotellərin idarəetməsi ilə məşğul olan “PMD Hospitality” MMC arasında əməkdaşlığa dair Sazişin imzalanması mərasimi baş tutub. Saziş ailə təsərrüfatlarının, mikro, kiçik və orta sahibkarlığın inkişaf etdirilməsi layihələrinə dəstək göstərilməsi istiqamətində birgə fəaliyyəti əhatə edir.Mərasimdə Dövlət Agentliyinin sədri Ülvi Mehdiyev, “PMD Hospitality” MMC-nin İdarə heyətinin sədri Samir Qurbanov, “ABAD” publik hüquqi şəxsin direktoru Rüfət Elçiyev və digər qonaqlar iştirak ediblər.Ülvi Mehdiyev Prezident İlham Əliyevin tapşırıqlarına uyğun olaraq ölkəmizdə mikro, kiçik və orta sahibkarlığın inkişafına yönəlmiş genişmiqyaslı sosial-iqtisadi islahatlardan söz açıb. Diqqətə çatdırılıb ki, bu inkişafın gücləndirilməsi və innovativ yanaşmalar əsasında təkmilləşdirilməsi məqsədi ilə təsis edilən “ABAD” iri şirkətlərin və donor təşkilatların korporativ sosial təşəbbüslərinin icrası üçün alternativ alətə çevrilib.Samir Qurbanov “PMD Hospitality”nin idarəçiliyndə olan hotellərin geniş qonaqpərvərliyini nümayiş etdirməyə və "ABAD"çılara dəstək olub fərqli məhsullarını hotellərdə təqdim etməyə şirkətin hazır olduğunu vurğulayıb.Tərəflər Sazişin iki qurum arasında əməkdaşlığın genişləndirilməsi və fəal təcrübə mübadilələrinin həyata keçirilməsində önəmli rol oynayacağına əminliklərini ifadə ediblər.Sazişə əsasən “PMD Hospitality”ə məxsus obyektlərin tədarük ehtiyaclarının “ABAD”çıların istehsalı olan məhsullarla ödənilməsinə üstünlük veriləcək. Yerli, ekoloji təmiz, ailə təsərrüfatlarının istehsalı olan məhsullarla təchizatın gücləndirilməsi üçün sözügedən obyektlərin yerləşdiyi ərazilərin yaxınlıqlarında “ABAD”çıların formalaşdırılmasına dəstək göstəriləcək.“PMD Hospitality”nin portfelinə daxil olan hotellərdə “ABAD”çı sənətkarlar tərəfindən hazırlanmış suvenirlərdən, o cümlədən məişət və dekor məhsullarından istifadə ediləcək. Həmçinin qonaqların “ABAD”çı məhsulları ilə yaxından tanış olmaları və əldə edə bilmələri üçün həmin hotellərdə ABAD etno-butikləri fəaliyyət göstərəcək.

08.09.2022

“ABAD” Avropa Keramika Marşrutunun Baş Assambleyasında təmsil olunub

2022-ci il 1-3 sentyabr tarixlərində İtaliyanın dulusçuluq sənətinin paytaxtı hesab edilən Faenza şəhərində Avropa Keramika Marşrutunun Baş Assambleyası keçirilib. Assambleyada Avropa Şurasının keramika marşrutunun üzvü olan Şəki şəhərini "ABAD" publik hüquqi şəxsin və Dövlət Turizm Agentliyinin nümayəndələri təmsil ediblər. Toplantıda 11 ölkənin nümayəndəsi (Azərbaycan, Türkiyə, İspaniya, Portuqaliya, Norvegiya, Almaniya, Avstriya, Polşa və s.) iştirak edib. Avropa Şurasının Keramika Assosiasiyası (UNIC) tərəfindən idarə olunan Avropa Keramika Marşrutunun mərkəzi qərargahı məhz elə Faenza şəhərində yerləşir. Faenza şəhərinin meri Massimo İsola Asambleyada “ev yiyəsi” kimi çıxış edib. Azərbaycanlı iştirakçılar müvafiq olaraq Massimo İsolaya “ABAD” publik hüquqi şəxsin və Dövlət Turizm Agentliyinin fəaliyyətinə dair təqdimat ediblər. Qeyd edək ki, Şəki şəhəri 2021-ci ildə Dövlət Turizm Agentliyinin təşəbbüsü ilə Avropa Keramika Marşrutuna (European Route of Ceramics) üzv seçilib. Seçim zamanı Cənubi Qafqazda ilk Keramika Mərkəzi - “ABAD” Keramika və Tətbiqi Sənət Mərkəzinin məhz Şəkidə yaradılması və Beynəlxalq Keramika Simpoziumunun da bu mərkəz vasitəsi ilə keçirilməsi böyük rol oynayıb.

05.09.2022

Şəkidə “ABAD” satış sərgisi baş tutdu

Sentyabrın 2-də Şəkidə “ASAN Həyat kompleksi”nin daxilində “ABAD” publik hüquqi şəxs və Şəki “ASAN xidmət” mərkəzinin birgə təşkilatçılığı ilə sərgi təşkil olunub.Burada “ABAD”çı sənətkarların əl işləri, eləcə də regionda fəaliyyət göstərən “ABAD”çıların istehsal etdiyi qida məhsulları nümayiş olunaraq onların satışı həyata keçirilib.Sərgidə “ABAD” publik hüquqi şəxsin direktor müavini Vüsal Arzumanlı iştirak edərək, region sakini olan “ABAD”çılarla da görüş keçirib.Sərgidə həmçinin Şəki şəhər icra hakimiyyəti başçısının müavini Elman İmamverdiyev, Şəki “ASAN xidmət” mərkəzinin direktoru vəzifəsini müvəqqəti icra edən Bəhruz Nəsibov və digər qonaqlar iştirak edib.Qeyd edək ki, indiyədək Şəki-Zaqatala iqtisadi rayonundan “ABAD” sıralarına 80 sahibkar (ABAD-çı) qoşulub.

02.09.2022

"ABAD" "Teknofest Karadeniz"də

“ABAD” publik hüquqi şəxs "Teknofest Karadeniz" tədbirində "ABAD"çıların əl əməyi göz nuru əl işlərindən ibarət stendi ilə təmsil olunur.Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev “Baykar” şirkətinin texniki direktoru Selçuk Bayraktara “ASAN xidmət” pavilyonu barədə ətraflı məlumat verib.Pavilyonda “ABAD”çı məhsulları ilə yanaşı Dövlət Agentliyinin müxtəlif qurumlarının və struktur bölmələrinin - “Elektron Hökumətin İnkişafı Mərkəzi”nin, “YAŞAT” Fondunun, ASAN Radionun, “İnnovasiyalar Mərkəzi”nin innovativ məhsul və həlləri nümayiş olunur.Bundan başqa, “ASAN xidmət” pavilyonunda "Kibergigiyena platforması", "Əşya tanıma" və "Söz oyunu" müsabiqələri keçirilir.Müsabiqələrdə qalib gələn şəxslərə də "ABAD"dan hədiyyələr təqdim olunur.

01.09.2022

Berqama bələdiyyəsinin sədri Şəki "ABAD" Keramika və Tətbiqi sənət mərkəzini ziyarət edib

2022-ci il 23 avqust tarixində Şəki ilə qardaşlaşmış Türkiyənin İzmir vilayətinin Berqama bələdiyyəsinin sədri Hakan Koştunun başçılıq etdiyi nümayəndə heyəti Azərbaycanın bu qədim diyarına səfər edib. Səfər çərçivəsində qonaqlar “Yuxarı Baş” Milli Tarix-Memarlıq Qoruğunun ərazisini gəzib, buradakı tarixi abidələrə baş çəkib. Rəsmi heyət həmçinin qoruğda yerləşən “ABAD” Keramika və Tətbiqi sənət mərkəzini də ziyarət ediblər. Görüşdə Şəki Şəhər İcra hakimiyyətinin nümayəndələri və deputat Vüqar İsgəndərov iştirak ediblər. Qonaqlara mərkəz haqqında ətraflı məlumat verilib.Diqqətə çatdırılıb ki, “ABAD” Keramika və Tətbiqi Sənət Mərkəzinin açılışı 29 oktyabr 2018-ci il tarixində baş tutub. Mərkəzin binası XIX əsrin axırlarında tikilib və kazarma kimi istifadə olunub. Müasir avadanlıqla təchiz edilmiş mərkəz ölkənin, əsasən də Şəki rayonunun tarixi keramika ənənələrinin qorunub saxlanılması və gələcək nəsillərə ötürülməsi, həmçinin müxtəlif çeşidli Azərbaycan gilinin dünyada tanıdılmasında töhfə verir. Cənubi Qafqazda ilk Keramika Mərkəzi olan “ABAD” Keramika və Tətbiqi Sənət Mərkəzinin məhz Şəkidə yaradılması və Beynəlxalq Keramika Simpoziumunun da bu mərkəz vasitəsi ilə keçirilməsi sayəsində Şəki şəhəri Avropa Keramika Marşrutuna (European Route of Ceramics) üzv seçilib.